Медиация және конфликтология тренингтері

«Медиативтік құзыреттілік: әлеуметтік-еңбек дауларын алдын алу шаралары»

21 мамыр 2015ж. Алматы Менеджмент Университетінің сот залында «Құқық» мектебінің оқытушылары мен қызметкерлеріне арналған «Медиативтік құзыреттілік: әлеуметтік-еңбек дауларын алдын алу шаралары» тақырыбында мастер-класс өтті.

Аталған іс-шараны Алматы Менеджмент Университеті «Медиация және конфликтология» орталығының директоры, халықаралық бизнес-тренер – Б. Жұмақаева өткізді. Нәтижесінде «Құқық» мектебінің 7 қызметкері тиесілі сертификаттарға ие болды.

«Медиация жастар арасында қақтығыстың алдын алу

шаралары ретінде»

11 қыркүйек күні 2014ж. Ақтау қаласында «ҚазМұнайГаз» компанияларының бірінші жастар кедесуі өткізілді. Бұл кездесуге 45 еншілес және тәуелді компанияларының 150-ден астам қатысушылары, жастар саясаты мәселелерін қадағалайтын жастар мен басшылық өкілдері қатысты.

«Самұрық-Қазына» Ұлттық Әл-Ауқат Қорына» қарасты «Әлеуметтік серіктестік орталығының» шақыруымен, біз жастардың келіспеушілік, қақтығыс пен дағдарысты коммуникация барысында медиация дағдыларын (бітімшілікті) қалыптастыру мен дамытуына бағытталған «Медиация жастар арасында қақтығыстың алдын алу шаралары ретінде» тақырыбында мастер-класс өткіздік. Өйткені, шараның негізгі мақсаты – компаниялардың жас қызметкерлері мен басшылары арасында диалог құру. Тыңдаушылар медиация тақырыбына үлкен қызығушылықтарын танытты.

Шараның соңында қатысушылар біздің еліміз болашақта қандай болатындығы барлық жастардың белсенділігі, мәдениеті мен дау дамайсыз қарым-қатынас дағдыларын тиімді пайдалануына байланысты екендігін атап, барлық жастарға үндеу жолдады.

«Еңбек дауларын алдын алу және бақылау»

2 қазан 2014ж. Маңғыстау облысының кәсіпкерлер палатасы және «Отаншылдықтың бастамасы» қоғамдық бірлестігінің қолдауымен «Қазақстан Республикасының оқу, ғылыми-зерттеу және дауларды шешу кәсіподақтар федерация орталығы» Маңғыстау облысы кәсіподағымен бірлесе отырып «Еңбек дауларын алдын алу және бақылау» тақырыбында семинар өткізді.

Осы семинарға 30 өнеркәсіптік ұйымдардың 50-ден астам өкілдері, соның ішінде Маңғыстау облысы әкімдігінің қызметкерлері, Маңғыстау облысы кәсіпкерлер палатасының өкілдері жергілікті бұқаралық ақпарат құралдарының журналистері («Қазақстан-Ақтау» телеарнасы және «Ақтау-Лада» газеті) қатысты.

Семинар қатысушылары – ірі кәсіпорындар (жұмыс берушілер) басқармасының өкілдері және келісім-шарт негізінде облыстық кәсіподақ кеңесіне кіретін өндірістік ұйым кәсіподақтарының төрайымдары.

Семинардың мақсаты – кәсіподақтар туралы жаңа заң тұрғысынан жұмыс берушілер мен кәсіподақтар арасында әлеуметтік серіктестер ретінде жүйелі қарым-қатынас құру.

Семинардың модераторы – Жұмақаева Бақыт Дәулетхановна еңбек дауларын алдын алу және реттеу жөнінде тыңдаушыларға кең ауқымды бағдарламаны ұсынды, сонымен қатар, қатысушыларға медация негіздері, яғни дауларды медиаторлардың қатысуы арқылы шешу туралы мәлімет жасады. Семинар жүйелі диалог түрінде өтті, қатысушылар еңбек ұжымдарында әлеуметтік шиеленісті алдын алу саласында теориялық және әдістемелік білімдерін толықтырды.